कार्यवाहांच्या डायरीतून

सप्रेम नमस्कार!

योगी श्री अरविंद गुरुकुलात आपलं स्वागत!
गुरुकुल म्हणजे सर्वांगीण विकासाची प्रक्रिया.
गुरुकुलातील शिक्षण म्हणजे अनुभवातून शिक्षण.
या शिक्षणाच्या प्रक्रियेमध्ये व्यक्ती विकासाच्या सर्व पैलूंना विकसित करण्याचा आमचा प्रयत्न आहे.
कामामध्ये बदल म्हणजे विश्रांती अथवा विरंगुळा या तत्त्वावरती गुरुकुलाची मांडणी केली आहे.
याची प्रचिती म्हणजे ‘बारा तास’ गुरुकुलात राहून सुध्दा संध्याकाळी घरी जात असतांना विद्यार्थी सकाळइतकाच ताजातवाना, टवटवीत असतो.
साधारणपणे तीन-चार वर्षाच्या कालावधीत गुरुकुलातील विद्यार्थी धीट, आत्मविश्वासपूर्ण , समाजाभिमुख होतात. तसेच साधारणपणे 15 ते 20 स्तोत्र, 35च्या आसपास योगासने, शास्त्रशुद्ध पध्दतीने सूर्यनमस्कार आणि पोहणे आत्मसात करतात.
या व्यतिरिक्त संगणक, गायन, संवादिनी, तबला, नृत्य, चित्रकला यापैकी त्यांच्या आवडत्या विषयात विद्यार्थी तरबेज होतात.
सायंकाळच्या क्रीडाप्रकारामध्ये नेटबॉल, कबड्डी , अॅथलेटीक्स् या खेळांमध्ये विद्यार्थी प्रवीण होतात.
हा साधारण आमच्या प्रयत्नांचा गोषवारा!\

                                                                                                              श्रीकांत देशपांडे